同住難到無friend做

「我哋係Friend,但一齊住真係好難頂呀! 」好友Y吐到一地苦水。事緣一位跟他一起到德國德國working holiday的同學,因與房東吵大鑊而暫住Y家。

其實我聽完都唔太記得佢呻乜‧‧‧‧‧‧大概是一個鼻鼾一個醒訓的天作之合,及第二朝一個是early bird,另一個自然是angry bird啦!人在外地,有個熟人互相照應鼓勵確是好事,但每個人生活習慣都不同,最簡單食完飯「碗即洗VS一個鐘後洗」已經可以觸發世界大戰!有時去旅行,老死都反枱啦,何況來working holiday要做同居密友?相見好同住難,於外國真心不建議與朋友長住。

好朋友的一人學生宿舍@Leopoldplatz, Berlin好朋友的一人學生宿舍@Leopoldplatz, Berlin

「同德國人住呢?見識下外國生活文化都好呀!」是好事來的!但最好避免與屋主同一屋簷下!寄人籬下,本身就諸多掣肘,小弟就試過被印度籍房東書面警告「唔該你清潔返地板個拖鞋印佢!」我用放大鏡先搵到個印係邊呀 ; 又試過波蘭籍房東請我可否坐著小便,喂我神龍擺尾完抹乾淨啦喎!「我知你無整污糟,只係我見廁板棟起咗,想溫馨提示啫!我老婆洗廁所辛苦呀!」以為是個別案例嗎?很多德國工作假期朋友都曾為生活習慣同房東嘈!被半夜趕出屋or報警的個案亦比比皆是,但初相識與房東又可以一齊開心暢飲食飯吹水架喎!其實將心比己,你都唔想有人攪污糟自己間屋,打亂你生活節奏吧!

其實同我直接講咪得囉其實同我直接講咪得囉……

所以有得揀既,最好還是租私人房間或學生宿舍,或有一種是因屋主到外地而出租的,這種最為理想,那當然可遇不可求啦 ; 真係要同friend住,最好選擇得一半熟的朋友,萬一反起面都無咁傷嘛。之不過,理想是理想,現實還現實,無地方住時,唔通真係天為被地為蓆咩?所以,無得揀之下‧‧‧‧‧‧忍忍忍忍忍‧‧‧‧‧‧

波蘭籍房東,佢兩個其實都好nice波蘭籍房東,佢兩個其實都好nice的!

看完後,好想立即去德國工作假期?

詳情參閱:http://whs.esdlife.com/chi/ger_main.asp

德國
人氣文章關於...
秘境之行始於問 工作假期後的Working Day 人離鄉賤 細眉細眼的麻煩 同住難                     
Priscilla Ng
瘋人鋒語 - 30前80後的德國工作假期
鋒Garcia

高考英文Fail的80後中文教師,30歲限期前獨自跑到德國工作假期。 少少working,多多holiday,德文不懂,英文不行,僥倖一年後仍然生存。其間遊遍歐洲29國家共過百城市,記錄於網誌《瘋人鋒語 - 30前80後的德國工作假期》,仍懶惰地持續更新中。
Facebook 粉絲專頁
博客